Cari il 1 aprel tarixindən Azərbaycan Respublikasının Özbəkistan Respublikasındakı Səfirliyinin nəzdindəki Heydər Əliyev adına Mədəniyyət Mərkəzində kompyuter kursları da fəaliyyətə başlamışdır. Kurslarda müxtəlif kompyuter proqramları (Windows, Microsoft Oficce, İnternet Explore) tədris olunur.
Dərslər ödənişsizdir. Həftədə 3 dəfə keçirilir: bazar ertəsi, çərşənbə axşamı, cümə axşamı, saat 15:00-da. Qeydiyyatdan keçmək üçün şəxsiyyəti təsdiq edən sənəd olmalıdır.
Kursları azərbaycanlı mütəxəssis Lalə Orucova aparır. Artıq 30-dan çox uşaq və yeniyetmə kurslarda iştirak edir.
Kursların keçirilməsi üçün Mədəniyyət Mərkəzinin Kompyuter zalı kompyuter avadanlıqları, habelə daimi və sürətli İnternetlə təmin edilmişdir.
Əhali və kurs iştirakçıları kurslardan əlavə olaraq hər həftənin cümə günləri Mədəniyyət Mərkəzinə müraciət edərək kompyuterlərdən yararlana bilər və öz şəxsi işlərini yerinə yetirə bilərlər.
Kurslara yazılmaq üçün şəxs özü haqqında CV-ni dolduraraq Mədəniyyət Mərkəzinə təqdim etməlidir.
Kursları uğurla bitirən müdavimlərə Mədəniyyət Mərkəzinin sertifikatı veriləcəkdir.